NewsTEN இரவு செய்திகள்;17/11/2016

      இரவு செய்திகள் 17/11/16

புதிய 1000 ரூபாய் நோட்டுகளை அறிமுகம் செய்யும் திட்டம் தற்போது இல்லை--அருண் ஜெட்லி.

மாநிலங்களவையில் ரூபாய் நோட்டு விவகாரத்தை கையில் எடுத்து எதிர்கட்சிகள் அமளி.

இங்கிலாந்து அணிக்கு எதிரான 2வது டெஸ்ட் போட்டியில் விராட் கோஹ்லி சதம்.

இணயம் துறைமுகத் திட்டம் 2020ல் முதல் அலகு செயல்படத் தொடங்கும்: பொன். ராதாகிருஷ்ணன்.

கிரானைட் வழக்கில் ஜனவரி 6-ம் தேதி பதில் தர தமிழக அரசுக்கு சென்னை உயர்நீதிமன்றம் உத்தரவிட்டுள்ளது.

.

மேற்குதொடர்ச்சி மலைப் பகுதியில் அதிகமான மழைப்பொழிவு காணப்படுகிறது.இதனால் குற்றாலம் அருவிகளில் தண்ணீர் ஆர்பரித்துக் கொட்டுகிறது.அருவியில் குளிக்க தடை விதிக்கப்பட்டுள்ளது.

நாமக்கல்லில் முட்டை விலை 4 நாட்களில் 40 காசு குறைந்துள்ளது. ஒரே நாளில் முட்டை விலை 20 காசுகள் குறைந்துள்ளது.கறிக்கோழி விற்பனையும் 30% வரை குறைந்துள்ளது.

டாஸ்மாக் கடைகளில் செல்லா 500, 1000 ரூபாய் நோட்டுகள் வாங்கப்படுவதில்லை.தமிழகத்தில் உள்ள 6,195 டாஸ்மாக் கடைகளில் வருவாய் ₹100 கோடி வரை சரிந்துள்ளது.வாடிக்கையாளர்கள் புதிய 2000 ரூபாய் நோட்டை கொடுத்தாலும் சில்லறை இல்லை.

சென்னை உயர்நீதிமன்ற வளாகத்தில் நிறுத்தி வைக்கப்பட்டிருந்த சொகுசு கார் திருடப்பட்டுள்ள சம்பவம் பெரும் அதிர்ச்சியை ஏற்படுத்தி உள்ளது.

கோவை தடாகம் பகுதியில் உள்ள அனுவாவி சுப்பிரமணியர் கோயில் படிகட்டுகளில் நின்றிருந்த யானை அருகே சென்று செல்ஃபி எடுக்க முயன்றவர்களை அந்த யானை ஓட ஓட விரட்டியது.

நெல்லை மாநகராட்சியில் 10ம் தேதியில் இருந்து இன்று வரை ரூ.3.7 கோடி வரி வசூல் ஆகியுள்ளது. 500,1000 ரூபாய் நோட்டுகளை கொடுத்து பொதுமக்கள் வரி செலுத்தியுள்ளனர்.

தூத்துக்குடி மாவட்ட ஆட்சியர் மேற்பார்வையில் விவசாயிகள் குறிதீர்ப்பு கூட்டம் நடந்தது.அதில் கலந்துகொண்ட மதிமுக விவசாய மகளிரணி, கலெக்டரிடம் மடிப்பிச்சை கேட்டனர்.நகைகளை அடகு வைக்க முடியவில்லை, வங்கிகளில் பணம் எடுக்க முடியவில்லை என கூறினர்.

மகாராஷ்ரா மாநிலம் நாசிக்கில் 2 கார்களில் இருந்த ரூ.75 லட்சம் பறிமுதல் செய்யப்பட்டுள்ளது. செல்லாது என்று அறிவிக்கப்பட்ட ரூ.500 மற்றும் 1000 நோட்டுகள் கட்டுக்கட்டாக பறிமுதல் செய்யப்பட்டது.

இந்திய அரசாங்கத்தினால் செல்லாது என்று அறிவிக்கப்பட்ட 500 மற்றும் 1000 ரூபாய் நோட்டுகளை சீனாவில் உள்ள இந்திய வங்கிகளில் டெபாசிட் செய்ய முடியாது என்று இந்திய தூதரகம் அறிவித்துள்ளது.

நாட்டில் அரசியல் சட்ட நெருக்கடியை ஏற்படுத்திவிட்டது மத்திய அரசு என்று மம்தா பேசினார். நாட்டில் பொருளாதார அவசரநிலையை ஏற்படுத்திவிட்டதாக மோடி அரசு மீது மம்தா குற்றம்சாட்டியுள்ளார்.

நாட்டின் நலனுக்காக பிரதமர் மோடி ரிஸ்க் எடுத்துள்ளார் என நடிகர் விவேக் ஓபுராய் கூறியுள்ளார்.

தங்கம், வெள்ளி விலை: மாலை நிலவரம்--
22 கேரட் தங்கம் ஒரு கிராம் - ரூ.2,865
22 கேரட் தங்கம் ஒரு சவரன் - ரூ.22,920
24 கேரட் தங்கம் 10 கிராம் - ரூ.30,210
வெள்ளி: ஒரு கிராம் - ரூ.44.50
வெள்ளி கட்டி: ஒரு கிலோ - ரூ.41,595